Inhwizha ndiyo imhuka ilolebha kupinda jose imhuka jinowanika munyika.Inhwizha ihono inolebha kuswika mamita angaba mashanu. Unchibha namakumbo ayo malefu kasakasa.
Inhwizha inamabala bala ananga sengwe eli machena namashaba.Kana ichili inhukutuku, inhwizha ina lubala lushaba lunanga senhopi. Lubala lunonda luswibhilila mukukubuka kwayo kuswikila lwaba lushaba lwashapala sobumete.Nolubala lyayo uchena lunoso chenuluka selota.
Inhwizha inatubizho tubili tuli tufupi tuli nabukuse.Unsholo wayo untukutuku kana uyikwelanisa nokukubuka kwayo.Unchibha ulolebhuluka kupinda jose imhuka.Yoyu unchibha ndiwo unotissa kuti itubule kuchela mazhani emiti pezhulu!Inhwizha inodisisisa kulya mazhani onkoka nompangali.Inolya mazhani , matete nenhabi jopejeleja pezhulu ponti.Inoti kana ilya, inokobola nolulimi lyayo lukukutu lusinobhayiwa.
Kana inhwizha inwa ivula inotanga kutalabula makumbo ambeli.Inoti kana ikwenda makumbo ebhazu limwepela anonyamuka pamwechete eta inhambo. Nopakulabuka inota alo.
Imimba yenhwizha inotola igole lyose akale kana izwala inoba ilimile koga ideleja umbili wayo zwishomanana.Zwita zwinji zwinothya kuyiluma nokuti inobhakala zwokuti kana ishumba inomuka nokufila pakalepo.Chilopa chenhwizha chinesimba lyokusunda ilopa kupinda imhuka jose.Yezwi ndizwo zwinotisa kuti itubule kusunda ilopa munchibha wayo undefu.
Bamwe banhu banolya inyama yenhwizha akale baanoti inozipa kasa kasa kana yabengwa ikakwanikwa.
(Summary of story: the story talks about the giraffe and its characteristics, that the meat is edible)
END