Lyakabeli igole lya1875, Chilisa wakabetonga baNambya egala museli molukulu. Ishe Mwemba ndiye wakatambula Chilisa nabanhu babe pabakabetizha maNdebele mushule mokupalajwa kweBumbusi namaNdebele.
Chilisa wakatumila iwhi eshoba Nechihete kuti eswike nokukambija kunzi wabashe. Sokuti wakabeli unshaji wechilimo, Nechihete wakambala iwhapiko yemvubu nehuchi yechipapata chengwe. Jakompelekeja jimwe ishongwe.
Nechihete nabamwe babe bakanyamuka bekananga kubumililo. Munzila bakabekwejisa inyaya jokutengeselana nabamwe kasa kasa beimwe mishobo. Mishobo imwe yakabedisisa kutenga mapaja akabefhulwa nabaNambya. Yezwi zwakatisa kuti baNambya bebe nobufumi bunji bunange ngombe nembuji.
Pabakaswika polwizi lunowhi Bwane, bakawana makukezhame azuna pabakabekwelela kutalukila. Bakatobeleja lwizi bakanowana panovubukika. Betaluka lwizi Nechihete wakabhatwa igumbo nengwena. Wakazibisa bamwe babe aajakakwendesa igumbo. Wakama akati mpo.Nesumalembizi wakaswika akabhaya ingwena. Yakava yondeka Nechihete akataluka lwizi.
Baswika kwabashe, Nechihete wakabuja Chilisa nezokulumwa nengwena. Kwapinda unshaji unshoma kwakawhika Ntombe Nelubambala elija imbila ekwimba eti:
Nechihete wakalumwa!
Nakabulu kaBwane!
Wajoti kabulu mupmane!
Lwakonyemesa lwimbo yolu Chilanga akakumbila kuti Chilisa elange Nelubambala.Asi Chilisa wakalamba akati lwimbo lwimbo,kulya kwenzebe.
(Summary- the story talks about the story of the baNambya people in the form of a folk story.)